samay beet te der nahi lagti........din mahino me aur mahine barso me badalte jate hain.....jane kitne hi log jo hamare jeevan me aate hain samya k sath unki yade mit ti jati hain.......jeevan k kai hisse hain...bacpan fir kishorawastha, fir jawani aur fir ant me budhapa.....har phase me ham kafi logon se milte hain unse dosti hoti hai aur fir dhire dhire samay k sath wo apne apne jagah chale jate hain....

aisa nahi hai ki ye bas mere sath hai...aap sab apne apne phase ko yad kare to pata chalega jane kitne naam jo apko yad bhi nahirahte na hi unka chehra yad rahta hai....sayad isliye ki hame jarurat nahi rahti unki...

samy k sath insan ki jarurte badlti rahti hai aur wo usi k hisab se apne frnds banata hai.......

mai khud yad karta hu apne bachpan k school ko jaha jane kitne log ham sab sath padhte the....jaha sabkuch eksaman tha ...no kuch khone ka dar na kuch pane ki ichha.....haan hamare school me ham me ek compitition ki bhawna ko hamesa rakha .......jaha 1st aane ko ek abhutpurwa uplabdhi samjha jate tha....khair mai sayad apne bat se kahi bhatak raha hu....

haan to fir bhi puri class ko ek dost samjha jata tha....ab mai kitni bhi kosis karta hu bahut kam chehre yad aate hain....kuch ab bhi sath hain jinse sampark lagatar bana hua but kahte hain na ki ek bar communication gap ho jaye to us tarah ki understanding hona  kafi muskil ho jata hai.....

aisa hota hai k  k un dosto me se jo sath khele hain masti ki hai aage chal k kuch yad nahi rahta ..na naam na chehra.....barso bad jab unka pata lagta hai to sabkuch badla hua.....naam bhi, chehra bhi.....chahra to sayad samay k hisab se sabka badalta hai aur naam to certificate pe depend karta hai.....

to haan kisi medium se jab pata lagta hai ki ye wo hi hai jo kabhi hamare sath tha lekin sabkuch badla hua....to dil pata nahi kyu ye jarur sochta hai ki kya mujhe start karne chahiye????? agar mai use yad na hou to???? jane kaisa reaction hoga???? kyoki hamare ander ek igo naam ka dar aa chika hota hai jise ham hurt nai hone dena chahte....ye sab kuch swabhawik hota hai jispe apna koi bas nahi hota.....

fir bhi dil me jane kitni yado k badal umadbe ghumadne lagte hain.....jo kabhi kabhi aankho se baras bhi jate hain agar aap use na sambhal sake to....lekin aap use bata nahi sakte ki aapke dil me kya chal raha hai..kyoki beech me ye igo ghusa hua hai jise chah kar bhi hatana muskil hai....

khair bate kafi uljhi hui lag rahi hain ...mai khud nahi samjh paa raha ki mai aakhir kahna kya chahta hu ......sayad wahi jo koi bhi barso baad apne bachpan me kuch hi samay k liye sahi sath rahe dost k liye kahega.....but keval aur keval apne aap se us dost se nahi....................

(19/01/13)